გინგკო ბილობა მიეკუთვნება სამკურნალო მცენარეების რიგს. მას მრავალი სასარგებლო თვისება გააჩნია, ასევე მდიდარი და უნიკალური ქიმიური შემადგენლობა.
გინკგო ბილობა ფართოდ გამოიყენება ხალხურ მედიცინაში. მცენარე დამხმარეა გადატანილი ინსულტის შემდეგ რეაბილიტაციისას, სისხლის მიმოქცევის დარღვევისას, ვენების დაავადებებისას, მეხსიერების პრობლემების დროს, ნეიროსენსორული დარღვევებისა და კანის დაავადებები დროს.
გინკგო ბილობას ფოთლებისგან დამზადებულ პრეპარატებს აქვს სისხლძარღვების გამაფართოებელი, სპაზმოლეტიკური და ბაქტერიოციდული მოქმედება. ხელს უწყობს სისხლის სწრაფ მიწოდებას სხეულის პერიფერიაში და ტვინის უბნებში, ამავე დროს არ აქვს გვერდითი ეფექტი.
ექიმების აზრით, გინკგო ბილობა მიეკუთვნება ყველაზე ეფექტურ სამკურნალო მცენარეთა რიცხვს. ის დადებითად მოქმედებს სისხლძარღვების სისტემასა და სისხლის მიმოქცევაზე.
გინკგო ბილობას ფოთლები შეიცავს:
ბიფლავონოიდებს.
მჟავებს: ლინოლენი, კინქონა.
ფლავონოიდებს კაემფეროლი, გინგგეტინი, ბილობეტინი, კვერცეტინი.
ამინომჟავებს, პოლისაქარიდებს, მინერალებს და ვიტამინებს.
საუკეთესო საშუალებაა მეხსიერებისათვის და თავის ტვინის სისხლძარღვების სკლეროზის დროს.
აუმჯობესებს რა სისხლის მიწოდებას თავის ტვინში, გინკგო ბილობა ასტიმულირებს მეხსიერებას, ხელს უწყობს ყურადღების კონცენტრირებას, განსაკუთრებით მოხუცებში და ახდენს გამაახალგაზრდავებელ ეფექტს ტვინის ფუნქციაზე. რეკომენდირებულია ალცჰეიმერის დაავადების დროს.
რადგანაც უმჯობესდება ტვინში სისხლის მიწოდება, ამ დაავადების სიმპტომებიც სრულად ქრება ნახარშის მიღების დაწყებიდან, დაახლოებით 6-8 კვირაში.
პრაქტიკამ აჩვენა, რომ გინკგო ბილობა კარგი დამხმარეა ჰიპერტენზიასთან ბრძოლაში. საინტერესოა, რომ ის შველის წნევის უეცარი ცვლილების დროსაც, რაც გამოწვეულია მომატებული ემოციური მგრძნობელობით. რეკომენდირებულია 10-12 თვიანი კურსის ჩატარება. კურსის განმავლობაში ყოველი სამი თვის შემდეგ, აუცილებელია გაკეთდეს შესვენება 25 დღით.
გინკგო ბილობა კარგია თავის ტკივილთან გასამკლავებლად. შეგიძლიათ შეიძინოთ მისი სპირტიანი ნაყენი ან მოამზადოთ თავად. მისი ეფექტურობა 80%-ია.
გინკგო ბილობას გააჩნია სისხლძარღვების გამაფართოებელი და ანთების საწინააღმდეგო მოქმედება. პრეპარატის მიღების დაწყებიდან ორ კვირაში შეიმჩნევა სისხლძარღვების კედლების აღდგენა. მცენარის გამოყენება შეიძლება ქირურგიული ოპერაციის შემდეგაც, რადგან ის დამხმარეა აღდგენით პროცესში. თერაპიის კურსი ერთი თვე გრძელდება.
გინკგო ბილობას ნაყენს იყენებენ ბავშვებში ხერხემალზე კისრის ნაწილის (ატლასი) დისლოკაციის დროს. მცენარე აჯერებს სისხლს ჟანგბადით, ახდენს ჟანგბადის უკმარისობის განვითარების პრევენციას და ხელს უწყობს ბავშვის ტვინის ნორმალურ განვითარებას.
ძვირფასო მამაკაცებო, ნუ შეხედავთ ეჭვის თვალით მისი იაფი ღირებულების გამო. რეგულარული გამოყენება ორ-სამ კურსიან ეტაპებად, საგრძნობლად ზრდის პოტენციას.
მისი ნახარშის კომპრესები აუმჯობესებენ სისხლის მიმოქცევას, ამის წყალობით ფოლეკულები უფრო მეტ სასარგებლო ნივთიერებას ითვისებენ. გინკგო ბილობა აღადგენს თმის სტრუქტურას შიგნიდან, დამხმარეა თმის დეჰიდრაციასთან და ტეხვადობასთან ბრძოლაში. რეკომენდირებულია ცოტა ნახარშის გამოყენებით თმის ყოველდღიური ჩამობანა. თავის თვისებების გამო გინკგო ბილობა ბევრის თმის მოვლის საშუალების შემადგენლობაშია.
სისხლის მიმოქცევის გაუმჯობესების შედეგად, უმჯობესდება ნივთიერებათა ცვლაც. გახდომის მიზნის გინკგო ბილობას ნახარშის მიღება რეკომენდირებულია დიეტის პარალელურად.
ნაყენის მოსამზადებლად საჭიროა 1 ჩ/კ ფხვნილს დავასხათ 200 მლ. ადუღებული წყალი და გავაჩეროთ 20 წუთი. ნაყენის მიღება შეიძლება ჩაის სახით ან კანის წყლულების და ჭრილობების დასამუშაველად.
არ არის მიზანშეწონილი მიღება ორსულებისა და მეძუძური დედებისთვის. მისი მიღება აკრძალულია მათთვის, ვისაც გადატანილი აქვს მიოკარდიული ინფარქტი, ვისაც აქვს ისეთი დაავადებები, როგორიცაა კუჭის წყლული და თორმეტგოჯა ნაწლავის ანთება. გართულებების თავიდან ასაცილებლად გინკგო ბილობას მიღებისგან თავი უნდა შეიკავონ მათაც ვისაც აქვს ეროზიული გასტრიტი.
არ არის რეკომენდირებული, გინკგო ბილობაზე დამზადებული პრეპარატების მიღება სისხლის შედედების პრობლემების მქონე პირებისთვის, ოპერაციის წინ სისხლის გამათხელებელ პრეპარატებთან ერთად. აგრეთვე, მონოამინოქსიდაზა ინჰიბიტორებთან ერთად დეპრესიის მკურნალობის დროს.